Әзірбайжан астанасында түркітілдес елдердің парламентші әйелдердің «БҰҰ-ның Тұрақты даму мақсаттарына қол жеткізудегі Түркі әлемі әйелдерінің рөлі» атты халықаралық конференциясы өтті. Шараны Әзірбайжан Парламенті мен ТүркПА хатшылығы ұйымдастырды.
Конференцияға Қазақстан, Қырғызстан, Түркия парламентшілері, Қазақстан, Қырғызстан, Түркия, Түркіменстан, Өзбекстан және Венгрияның Әзірбайжандағы дипломатиялық миссияларының басшылары, түркі мұрасы мен мәдениетінің халықаралық қорының президенті, Халықаралық ұйымдардың, Түркі кеңесі мен Халықаралық Түркі академиясының, дипломатиялық корпустың, ҮЕҰ өкілдері, ғылыми және қоғамдық топтар қатысты.
Қазақстандық делегацияның басшысы Парламент Мәжілісінің депутаты Гүлжан Қарағұсова өз сөзінде әйелдердің саяси үдеріске және парламенттік құрылымдарға, соның ішінде ТүркПА-ға да, қатысуы бірте-бірте көбейіп келетінін атап өтті. Қарағұсова сондай-ақ БҰҰ-ның Тұрақты даму мақсаттарына қол жеткізудегі әйел-парламентарийлердің қарым-қатынастарын одан әрі дамытудың маңыздылығын атап өтті.
Гүлжан Қарағұсова Қазақстан Әзірбайжанның парламентші әйелдерге арналған бірыңғай платформа құру жөніндегі бастамасын толық қолдайтынын мәлімдеді. Депутаттың пікірінше, бір платформада пікір көп болған сайын, дұрыс және салмақты шешімдер қабылдау оңайырақ болады.
Сондай-ақ, қазақстандық әйелдер сайлау процесінің бір бөлігі болып отыр.Мысал ретінде Қазақстан президенттігіне үміткер алғашқы әйел-Дания Еспаева айтуға болады.
Сонымен қатар, депутат Қазақстанда гендерлік даму стратегиясы іске асырылғанын, «Тұрмыстық зорлық-зомбылықтың алдын алу туралы», «ерлер мен әйелдер үшін тең құқықтар мен мүмкіндіктердің мемлекеттік кепілдіктері туралы» гендерлік бағытталған заңдар қабылданғанын атап өтті.
