Байқоңырда ағымдағы жылдың 14 қазанына жоспарланған ғарыштық ұшуға қатысушы елдердің туларын көтерудің салтанатты рәсімі өтті. Бұл туралы “Қазақпарат”ақпарат агенттігі хабарлады.
Іс-шараға “Роскосмос” мемлекеттік корпорациясының ғарышкерлері Сергей Рыжиков, Сергей Кудь-Сверчков, Олег Новицкий және Петр Дубров, сондай-ақ NASA астронавтары Кэтлин Рубинс және Марк Ванде Хай қатысты.
Сонымен қатар, рәсімге “Роскосмос”, Гагарин атындағы ғарышкерлерді даярлау орталығының, Байқоңыр ғарыш айлағы әкімшілігінің және “Южный” ғарыш орталығының өкілдері шақырылды.
Қазақстанның туын Олег Новицкий мен Петр Дубров, Ресей Федерациясының туын Сергей Рыжиков пен Сергей Кудь-Сверчков, ал АҚШ туын та-Кэтлин Рубинс пен Марк Ванде Хай көтерді.
Кудь-Сверчков үшін бұл рәсім ерекше болды, өйткені оған халықаралық авиация федерациясының ғарышкері куәлігі берілді. Ол ғарышқа бірінші рет ұшуға дайындықтан өткен әрбір ғарышкерге беріледі.
Сергей Кудь-Сверчков ғарышқа ұшатын Байқоңырдың екінші тумасы болады. Біріншісі- Олег Артемьев.
2020 жылғы 14 қазанда “Союз МС-17” басқарылатын ғарыш кемесімен Халықаралық ғарыш станциясына Сергей Рыжиков, Сергей Кудь-Сверчков және Кэтлин Рубинспен ғарышкерлердің негізгі экипажы аттанады.
Сурет: inform.kz
