Ресей Федерациясының федералдық бюджеті Қазақстан Республикасындағы Байқоңыр қаласы үшін бұдан әрі де субсидия бөлетін болады. Тиісті қаулыға Ресей премьер-Министрі Михаил Мишустин қол қойды. Бұл Ресей үкіметінің ресми сайтында айтылған.
Сайттың ақпараты бойынша, қаланың бюджеттік қамтамасыз етілу көлемін “Байқоңыр”ғарыш айлағын жалға алуға жататын инфрақұрылымды қамтамасыз етуге салықтық кірістер мен дотациялар мөлшерінен анықтау жоспарланып отыр.
“Ресей Федерациясы субъектілерінің бюджетіне федералдық бюджеттен субсидия беру және бөлу ережелері Байқоңыр қаласының бюджетіне федералдық бюджеттен субсидия беруді көздеуі мүмкін”, – делінген РФ үкіметінің сайтында.
Байқоңыр бір мезгілде біздің республикамыз құрамындағы әкімшілік-аумақтық бірлік, сондай-ақ жалға алу құқығындағы Ресейдің федералдық маңызы бар қаласы болып табылады. Қала аумағында түрлі ресейлік құрылымдар – ішкі істер министрлігі, Сот, салық қызметі, ІІМ жанындағы Мемлекеттік автоинспекция және т. б. жұмыс істейді.
Байқоңыр қаласы Қазақстанның Қызылорда облысында орналасқан. Онда Кеңес одағының жанында салынған әлемдегі ең үлкен ғарыш айлағы да бар, оның құлауынан кейін ғарыш айлағы егеменді Қазақстанның қарамағына берілді.
Сурет: yandex.ru
