Еліміздің азаматшасы Байқоңырда WhatsApp мессенджері арқылы қаржы пирамидаларын құрды деп айыпталуда. Бұл туралы кешен прокуратурасы хабарлайды.
«Кешен прокуроры Александр Трифонов одан әрі тергеу үшін Қазақстан Республикасының Құқық қорғау органдарына Байқоңыр қаласының 40 жастағы тұрғынын РФ ҚК 159-бабының 3-бөлігінде көзделген қылмыс (ірі көлемде жасалған алаяқтық) жасағаны үшін айыптау бойынша қылмыстық іс жолдады. Тергеу барысында анықталғандай, ағымдағы жылдың мамыр айының соңына дейін зиянкес WhatsApp мессенджерінде «МК Портал Байқоңыр» тобын құрды, онда оның банк картасына ақша қаражаты аударылса, қысқа мерзімде жоғары табыс алу туралы жалған ақпарат таратты», — деді прокуратура қызметкерлері.
Ведомствода атап өткендей, қаскүнем алаяқтық арқылы азаматтардың, жалпы сомасы 4,68 миллион теңгені құрайтын, ақшалай қаражатын жымқырды.
«Алаяқ осы ақша қаражатын кейін жеке мақсатта жұмсап, жәбірленушілерге айтарлықтай материалдық залал келтірген. Аталған қылмыстық іс бойынша айыпталушы Қазақстан Республикасының азаматы болғандықтан, кешенді прокуратура оған қатысты қылмыстық істі одан әрі жүзеге асыру үшін қазақстандық құқық қорғау органдарына жолданды», — деп хабарлады қадағалау органынан.
Кешенді прокуратураның ақпараты бойынша, күдікті жасаған қылмысы үшін жеті жыл бас бостандығынан айырылуы мүмкін.
«Кешен прокуратурасы қазіргі уақытта Ресей Федерациясында, сондай-ақ Қазақстан Республикасының аумағында осындай алаяқтықпен айналысатын жеке азаматтар да, сондай-ақ заңды тұлғалар да пайда болады деп есептейді.
Бұл жағдайда азаматтар бірде-бір заңды түрде жұмыс істейтін қаржы-несие ұйымы салымдар бойынша міндеттемелердің осындай түрін адал орындауды қамтамасыз ете алмайтынын түсінуі қажет, өйткені бұл экономикалық мүмкін емес, себебі мұндай адам сенгісіз мол пайда әкелетін заңды бизнес жоқ», — деп толықтырды ведомстводан.
