Байқоңырда COVID-19-бен күресу мақсатында карантин шаралары мамыр айының соңына дейін ұзартылды. Бұл шешімді кешеннің бас санитарлық дәрігері Андрей Попов қабылдады.
Бас сандәрігердің қаулысына сәйкес, 31 мамырға дейін Байқоңырда түрлі мәдени-ойын-сауық іс-шараларын ұйымдастыруға тыйым салынады.
Сонымен қатар, Байқоңырда тұрмайтын азаматтарға қалаға келуге және одан шығуға болмайды, кіру және шығу қатаң қадағаланатын болады. Алайда арнайы рұқсатнама болса, қалаға кіруге болады.
Сонымен қатар, қалада қашықтықтан оқыту жалғастырылады, емтиханға дайындалатын оқушылар мен студенттерге білім беру мекемелеріне баруға рұқсат етіледі.
“Білім беру ұйымдарында күндізгі жеке сабақтар өткізу қашықтық, желдету режимі, дезинфекциялық шаралар мен маскалық режимді сақтай отырып, саны он адамнан аспайтын оқушыларға бітіру емтихандарына дайындық мақсатында ғана рұқсат етіледі”, – деді Попов.
Сонымен қатар, кешеннің бас санитарлық дәрігерінің қаулысында көрсетілгендей, Байқоңырда қоғамдық көлік ағымдағы жылдың 1 маусымына дейін жұмыс істемейді.
Соңғы мәліметтерге сәйкес, біздің республикада коронавирус ауруының 4753 жағдайы ресми түрде расталды, олардың ең көп саны – 1502 жағдай Алматыда тіркелді.
Сурет: sputniknews.kz
