Байқоңырда ғарышкерлер күні тойлануда, деп хабарлайды ҚазТАГ агенттігінің тілшісі.
Ғарышкерлер күнін қала тұрғындары марафон, велосипед жарысы және оқушылар эстафетасымен атап өтті
Байқоңырда адам баласының тұңғыш ғарышқа ұшуының 58-жылдығына арналған мерекелік бағдарлама 12 сәуірде таңертеңнен бастады
Сағат 9-да Юрий Гагарин үйінің жанындағы 2-ші алаңда митинг өтті, содан кейін велосипедшілер мен жүгірушілердің жарысы басталды. Жарыстың мақсаты -Юрий Гагаринге арналған ескерткішке дейін 32 километрді өту.
Юрий Гагаринге арналған ескерткіштің жанында сағат 12 – де салтанатты митинг және монументке гүл шоқтары қойылды.
Содан кейін ескерткіштен “Ғылым және ғарыш” стеласына дейін оқушылар эстафетасы өтті.
Мереке аясында мектептерде, мұражайларда, кітапханаларда, спорт кешендерінде әдеби экскурсиялар, тақырыптық кештер, көрмелер, спорттық жарыстар өткізілді. 12 сәуір күні қалалық мәдениет сарайында салтанатты іс-шара мен мерекелік концерт өтеді.
1961 жылдың 12 сәуірінде Юрий Гагарин Байқоңыр ғарыш айлағынан “Восток 8К72К” зымыран-тасығышымен ұшырылды және “Восток” ғарыш кемесінде бірінші рет ғарышқа ұшып, 1 сағат 48 минутта Жерді бір айналып өтіп, Саратов облысына қонады.
1962 жылдың 9 сәуіріндегі ССРОның Жоғарғы Кеңесі Президиумының Жарлығымен осы оқиғаның құрметіне 12 сәуір космонавтика күні деп аталды. 2011 жылғы 7 сәуірде БҰҰ Бас Ассамблеясы 12 сәуірде адамның ғарышқа ұшуының Халықаралық күні деп жариялаған қарар қабылдады.
Байқоңыр ғарыш айлағынан барлығы екі жүзге жуық ғарышкерлер және шетелдік астронавтар ұшты.
Сурет: kaztag.info
