Қызылорда облысы әкімінің орынбасары Серік Ахмет Байқоңыр қаласына жұмыс сапарымен барып, онда қала әкімдігінің басшысы Константин Бусыгинмен кездесті. Бұл туралы zakon.kz ақпарат агенттігі хабарлады.
Кездесу барысында Серік Ахмет пен Константин Бусыгин ғарыш айлағының және Байқоңыр қаласының 65 жылдығын мерекелеуге дайындық мәселелерін талқылады.
Кейін Байқоңыр әкімшілігінің басшысына Қызылорда облысының әкімі Гүлшара Әбдіхалықованың құттықтау хатын табыс етті.
Сондай-ақ, Серік Ахмет мүмкіндігі шектеулі азаматтармен кездесу өткізді, оған «Байқоңыр жігері» мүгедектерді қорғау» қоғамдық бірлестігінің жетекшісі Жүсіп Қошқарбек те қатысты.
Кездесу барысында қатысушылар Байқоңырда әлеуметтік қамсыздандыру бөлімін ашу мәселесіне назар аударды.
Бұған дейін коронавирустық инфекцияға байланысты ғарыш айлағы мен Байқоңыр қаласының 65 жылдығын мерекелеуді кейінге қалдыру туралы шешім қабылданғаны хабарланған болатын.
Қала әкімдігі мерейтойды үстіміздегі жылдың 4 қазанында — ғарыш айлағынан алғашқы жасанды жер серігі ұшырылған күні атап өту жоспарланғанын айтты.
