Кейбір техникалық ескертулерге байланысты “Спектр-РГ” ресейлік астрофизикалық обсерваториясымен “Протон-М”зымыран-тасығышын ұшыру күні ауыстырылды. Бұл туралы Роскосмостың баспасөз қызметі хабарлайды.
“ДМ-03” екпіндеткіш блогы бар “Протон-М” зымыран-тасығышын және “Спектр-РГ” ғарыштық обсерваториясын дайындау кезінде ескерту анықталды. Мемлекеттік комиссия ұшыру уақытын резервтік күнге ауыстыру туралы шешім қабылдады”, – деп хабарлады Роскосмоста.
Естеріңізге сала кетейік, бұған дейін қазақстандық ғарыш айлағынан “Спектр-РГ” ғарыш телескопының ұшырылуы теледидардың тікелей эфирінде көрсетіледі деген ақпарат болған.
