Бүгін, 2021 жылғы 20 наурызда Нұр-Сұлтан уақыты бойынша 12 сағат 07 минутта «Фрегат» үдеткіш блогы мен бортында 38 ғарыш аппараты бар «Союз-2.1 а» зымыран-тасығышын ұшыру жоспарланған болатын, деп хабарлайды ҚазАқпарат тілшісі.
Байқоңырдан 11 сағат 15 минутта тікелей эфир https://www.roscosmos.ru/30361/ басталды. Ғарыш айлағында ауа-райы ашық, температура +12. Роскосмос телестудиясы «Южный» (Байқоңыр) ғарыш орталығының баспасөз қызметімен бірлесіп Роскосмос тілшілері мен мамандарының түсініктемелерімен Байқоңырдан тікелей зымыран тасығышты ұшыруға дайындау туралы репортаждарды көрсетті. 11 сағат 42 минутта Роскосмостың жетекші телестудиялары ұшырылым техникалық себептерге байланысты кейінге шегерілетіні туралы жедел хабарлама жіберді. Роскосмостың ресми хабарламасында «Фрегат» үдеткіш блогы мен 38 ғарыш аппараты бар «Союз-2.1 а» зымыран тасығышының ұшырылуы резервтік күнге ауыстырылағаны туралы қосымша хабарланады. Алдағы ұшыру кластерлік екені хабарланды. Негізгі жүктеме — Кореяның «CAS500-1» Жерді қашықтықтан зондтау ғарыш аппараты, қосымша жүктеме — бірнеше орбитаға шығарылатын 37 ілеспе спутник болмақ. Іске қосу операторы «Главкосмос ұшыру қызметтері» компаниясы болып табылады («Роскосмос»мемлекеттік корпорациясының құрамына кіреді).
