Алматы қаласы бойынша президенттік сайлауды бақылаушылар сайлау комиссияларының өкілдерін президенттік сайлау нәтижелерін бұрмалағаны үшін жауапкершілікке тартуға ниетті екендерін мәлімдеді. Алматы қаласы бойынша сайлауға келу және дауыс беру нәтижелері бойынша жеке деректер және тіркелген бұзушылықтар бүгін адам құқықтары жөніндегі Қазақстан Халықаралық бюросында өткен баспасөз мәслихатында берілді.
«Қамаудағылардың құқықтарын қорғау коалициясы» үкіметтік емес ұйымынан бақылауды үйлестірген Серік Әбішевтің айтуынша, бірнеше ұйымның бақылаушылары Алматы бойынша дауыс берудің барлық жиынтық кестесін жинай алды.
«Біз Алматы қаласы бойынша 208 сайлау учаскесінің хаттамаларының түпнұсқасы бойынша қорытынды жасадық. Хаттамалардың қорытындысы бойынша Қосанов үшін 72 316 сайлаушы дауыс берді. Енді менің қолымда ресми, көк мөрі бар Алматы қаласы бойынша аумақтық сайлау комиссиясының хаттамасы бар, онымен Орталық сайлау комиссиясының алдында есеп берілді. Қосанов Әміржан Сағидрахманұлы-50 366 дауыс», – деді ол. 208 учаске — бұл қала бойынша барлық сайлау учаскелерінің тек 38%-ы ғана (барлығы 554-тен), бірақ тек осы учаскелерден алынған деректер бойынша Әміржан Қосанов үшін дауыс саны аумақтық сайлау комиссиясының көрсетіп отырғаннан ресми деректерінен жиырма мыңға артық. «Мұнда Қазақстан Республикасының заңнамасы өрескел бұзылған. Алматы қаласының аумағында сайлауды жарамсыз деп санауға болады», – деді ол.
«Барлық фактілер бойынша біз барлық актілерді жинадық, қазірдің өзінде талап-арыздар жазылды, бүгін сот органдарына алғашқы талап-арыздар жіберілді, сондай-ақ заң бұзушылық және бұрмалау фактісі бойынша қылмыстық іс қозғау үшін прокуратураға тиісті хаттамалар жіберілді», — деп толықтырды Серік Әбішев. Өз кезегінде, «Халық Талабы» қозғалысының бастамашысы Айман Тұрсынқан, «Қамаудағылардың құқықтарын қорғау коалициясынан» бақылауды жүзеге асырған, аймақтар мен астаналар бойынша деректерді ұсынды және кейбір деректер әлі де өңдеуде: «Бүгінгі күні Нұр-Сұлтан қаласы бойынша, Орал және Батыс Қазақстан облысы бойынша, Алматы қаласы бойынша, ішінара Алматы облысы бойынша деректер толығымен өңделіп, жарияланды. Қосымша қазір «Оян, Қазақстан!» белсенділері, NEXT бақылаушыларының жастар желісі «Манифест» қозғалысының мүшелерінен Өскемен, Павлодар, Ақтау, вахталық қалашықтарды қоса алғанда, барлық Маңғыстау облысы бойынша қосымша ақпарат түсіріледі. Жаңаөзен өзінің барлық деректерін жеке жіберді. Қостанай және Шымкент бойынша деректер жібереді. Мұның бәрі өңдеу процесінде».
Егер бақылаушылардың алғашқы хаттамасы бойынша өңделген мәліметтеріне сенсек, Елордада Тоқаев 51,8% , Қосанов 35,6% жинады , бұл сайлаушылардың 48% келгенде. «Ұлт тағдыры — Астана» ҚБ бақылаушылары елордалық сайлау учаскелерінің 65% -ын қамтыды. Айман Тұрсынқан ресми деректерде сайлаушылардың келуі мен дауыс пайызының артқанын мәлімдеді.
«Мен сайлаушылардың атынан, бізбен жұмыс істейтін қоғамдық бірлестіктердің атынан, сайлау туралы Конституциялық заңға сәйкес, 1-ші баптың 1-тармағы осы сайлаудың нәтижелерімен келіспейтінімізді ресми түрде жариялағым келеді және іс жүргізу шараларын қабылдауды, яғни сайлау қорытындыларын жойып, сайлауды жарамсыз деп тануды талап ететін боламыз», – деді Серік Әбішев.
Айман Тұрсынқан осындай пікірді Батыс Қазақстан облысы бойынша қадағалау ұйымдастырған «Эхо» ҮЕҰ, тәуелсіз бақылаушылар лигасы, қоғамдық қор және «Уральская Неделя» газеті, Нұр-Сұлтан қалалық құқық қорғау ұйымдарының коалициясы, «Ұлт тағдыры-Астана», «Оян, Қазақстан!» және «Қамаудағылардың құқықтарын қорғау коалициясы» РҚБ ұстанатынын айтты.
Сурет: Vlast.kz
