Оралда 1 қарашадан бастап, нан-тоқаш өнімдерінің ірі өндірушісі өз өнімдерінің бағасын көтерді. Дүкендерде №1 нан зауытының “Исаев” ЖК жоғары сұрыпты бидай ұнынан жасалған нан 90-нан 100 теңгеге қымбаттады, деп хабарлайды NUR.KZ.
Сатып алушылар бірден өз наразылығын білдірді.
“Мен зейнеткер. Менде әрбір тиын санаулы. Нан бағасы 10 теңгеге көтерілді. Бұған дейін көтерілу күтілмейді деген”, – дейді зейнеткер Илья Суриков.
Кәсіпорынның өзінде өнімнің қымбаттауының себебі шикізаттың қымбаттауына байланысты екенін атап өтті.
“Бір Килограмм ұн қазір 96 теңге тұрады. Сондай-ақ ЖЖМ, сұйық май, майлар және қант бағасы да өсті. Біз бірінші сұрыпты нанның бағасын ұстаймыз. Ол 70 теңге тұрады”, – деп атап өтті кәсіпорын директоры Валерий Новопольцев.
Кейін нан бағасының қамбаттауына байланысты, БҚО әкімдігінде кеңес өткізілді, оған нан пісіретін кәсіпорындардың басшыларын шақырды.
“Бағаны негізсіз көтеру және нарық субъектілері арасындағы келісім кезінде тексеру жүргізіп, кәсіпкерлерді жауапкершілікке тартатын боламыз. Алыпсатарлыққа жол бермейміз”, – деп атап өтті БҚО әкімінің орынбасары Игорь Стексов.
Сондай-ақ, журналистер үшін, нан-тоқаш өнімдерінің ірі өндірістері бойынша баспасөз туры ұйымдастырылды.
“Бізде ұн қоры бар. Жаңа жылға дейін біз бағаны көтермейміз. Егер ұн бағасы өссе, онда біз бағаны көтеруіміз керек”, – деп атап өтті “Талецкий” ЖК директорының орынбасары Антон Маркушин.
Қала әкімдігінде бұл жерде барлық наубайханалық кәсіпорындарға мониторинг жүргізген комиссия құрылғанын атап өтті.
“Қалада нан бағасы көтерілмейді. Біз негізгі өндірушілермен кездестік. Олар нан бағасы бірінші сұрыпты 70 теңгені, жоғары сұрыпты 90 теңгені құрайды деп сендірді. Облыста ұн мен астықтың қажетті қоры бар”, – деді Орал қаласы әкімінің орынбасары Сергей Доля.
Сондай-ақ, әкімдікте нан бағасын бұрынғы деңгейге қайтару үшін, келіссөздер жүргізілетінін атап өтті.
