Жақында билеуші партия қатарынан шығарылған Nur Otan фракциясынан Мәжілістің Экс-депутаты Нұржан Әлтаев Қазақстан парламенті мүшелерінің жалақысы негізсіз деп санайды.
Ол бүгін республикамыздың депутаттарының жалақысы әр түрлі екенін айтты. Оның түсіндіруінше, жалақы мөлшері әр түрлі өлшемдерге, соның ішінде тәжірибесі мен жұмыс өтіліне байланысты өзгереді.
“Менің еңбекақым барлық шегерімдерден кейін, 500 мың теңгедей. Өңірлердегі азаматтардың табысы 60-80 мың теңгеден аспайтынын ескерсек, мұндай алшақтық әділетсіз деп санаймын”, – деді Әлтаев.
Сонымен қатар, ол қазіргі парламентарийлерге берілетін жалдамалы пәтерден кеткенін айтты.
27 қарашада Әлтаев El Tiregi өнеркәсіпшілері мен кәсіпкерлері одағының базасында құрылатын Қазақстанда жаңа саяси бірлестік құруды жоспарлап отырғанын мәлімдеді. Ол біздің елімізде бір ғана партия – Nur Otan бар екенін атап өтті. Қалғандары, оның айтуынша, жалған партиялар.
30 Қарашада шығарған Ортсайлаукомның қаулысына сәйкес Әлтаев депутаттық мандатынан айырылды. Ашық ақпарат көздерінен ол партиялық тәртіпті бұзғаны үшін билеуші партиядан шығарылғаны белгілі болды.
Сурет: zakon.kz
