Біздің республикамыздағы әскери-теңіз күштерінің бұрынғы Бас қолбасшысы Жандарбек Жанзақов оған шығарылған үкімге наразылық ретінде аштық жариялады. Бұл туралы «ҚазТАГ» жаңалықтар ресурсы хабарлайды.
Атап айтқанда, Алматы гарнизоны әскери сотының үкімімен бұрынғы қазақстандық адмирал Қазақстан Қылмыстық кодексінің 450-бабының 2-бөлігі бойынша қылмыс жасағаны үшін (ауыр зардаптарға әкеп соққан билікті асыра пайдалану) кінәлі деп танылып, 6 жыл мерзімге түрмеге қамауға алынды.
Сонымен қатар, Жандарбек Жанзақов Қазақстан Қарулы Күштерінде, сондай-ақ құқық қорғау және мемлекеттік органдарда қызмет атқару құқығынан өмір бойы айырылады.
Оның қорғаушысы Әсел Тоқаеваның айтуынша, бұрынғы адмирал оған шығарылған үкіммен келіспейді. Ол оны әділетсіз және заңсыз деп санайды, осыған байланысты наразылық ретінде құрғақ аштық жариялады.
Қазіргі уақытта, адвокат айтқандай, Жандарбек Жанзақов Нұр-Сұлтандағы тергеу изоляторында. Әсел Тоқаева камерада ол жалғыз екенін айтты.
