Алты адамнан тұратын отбасы, тұрып қалған шұжықтан уланды. Үш жасар бала қайтыс болды, үш бала мен екі ересек ауыр халде, деп хабарлайды “Интерфакс”, облыстық денсаулық сақтау басқармасының баспасөз қызметіне сілтеме жасап.
Әйел дәрігерлерге отбасымен шұжық қосылған макаронмен тамақтанғанын айтты. Ол шұжық тұрып қалғанын және ұзақ уақыт сақталғанын атап өтті.
“Балалардың анасының айтуы бойынша, түнгі сағат бір шамасында үш жасар ұлы ауруды сезді. Оның асқазанын марганцовкамен жуып, ұйықтатты. Содан кейін 2.00-де анасы мен үш баласы ауырып қалды. Олар медициналық көмекке жүгінбеген, алайда жағдай нашарлағаннан кейін жедел жәрдем шақырған”, – деп хабарлады денсаулық сақтау басқармасының баспасөз қызметі.
Әйел үш жасар баламен шұғыл түрде ауруханаға реанимация бөліміне жеткізілді. Бірақ баланы құтқару мүмкін болмады. Ол шамамен сағат 7.00 қайтыс болды.
Қалған науқастар, олардың ішінде үш бала инфекциялық бөлімшеде дәрігерлердің бақылауында. Олардың жағдайы тұрақты ауыр деп бағаланады.
Облыстық қоғамдық денсаулық сақтау департаментінде тұрмысы нашар отбасы, ата-аналар спирттік ішімдіктерді пайдаланады деп қосты.
Бұл соңғы уақытта шұжық улануынан балалардың өлімінің екінші оқиғасы. 20 қазанда Щучинскіде екі жасар қыз шұжықпен уланып, ауруханада тағы екі бала көз жұмды.
“Ботулизм” диагнозы расталмады. Мамандардың айтуынша, екі жасар қыз тамақ токсикоинфекциясынан және улы шоктан қайтыс болған. Ал Щучинск қаласындағы “Ақжелкен” супермаркетінде іріктелген “Халал” маркалы бұйымдар гигиеналық нормативтердің талаптарына сәйкес келеді.
