18-27 жас аралығындағы мерзімді қызметтегі 13 500-ден астам әскери қызметші көктемгі шақыру кезінде Қазақстан Республикасы Қарулы Күштерінің, басқа да әскерлері мен әскери құралымдарының қатарын толықтырады, бұл туралы zakon.kz хабарлайды.
Қорғаныс министрлігі көктемгі шақыруды ағымдағы жылдың 1 шілдесінде аяқтауды жоспарлап отыр.
Ағымдағы жылдың 5 ақпанында Қазақстан Республикасының Президенті Қасым-Жомарт Тоқаев «Әскери қызметтің белгіленген мерзімін өтеген мерзімді әскери қызметшілерді қызметінен босату және Қазақстан Республикасы азаматтарын кезекті шақыру туралы» жарлыққа қол қойды. мерзімді әскери қызметке – 2021 ж. наурыз – шілде және қыркүйек – желтоқсан айларында.
Коронавирустық инфекцияның таралу қаупіне байланысты алдын-алу шаралары қабылданды. Әскерге шақырылушыларды ПТР-зерттеу екі рет: шақыру кезінде және әскери бөлімдерге келгеннен кейін құрама пункттерде жүргізілетін болады. Қызмет өткеру орындарында жаңа шақырылушыларға вакцинация ұйымдастырылды.
Биылғы жылы әскерге шақыру барысында әскерге шақырылушыларды хабардар етудің жаңа тәсілі қолданылатын болады. Пандемия жағдайында байланыстарды азайту үшін цифрлық даму және аэроғарыш өнеркәсібі министрлігінің 1414 сервис қызметі пилоттық режимде SMS-хабарламалар жібереді.
Шақырудың барлық рәсімдері барынша ашық форматта ұйымдастырылып, кеңес беру мүмкіндігі беріледі. Ол үшін жергілікті әскери басқару органдарында электрондық пошта жәшіктері мен әлеуметтік желілердегі ресми аккаунттар құрылды.
