Кеше Қырғызстан астанасында Тәуелсіз Мемлекеттер Достастығы елдерінің Шекара әскерлері қолбасшылары кеңесінің жұмыс кездесуі өтті. Бұл туралы Қырғыз Республикасы Мемлекеттік шекара қызметінің баспасөз қызметі хабарлады.
Кездесуге біздің елден басқа, 6 елдің өкілдері қатысты: Ресей Федерациясы, Армения, Беларусь, Қазақстан, Тәжікстан, Өзбекстан және шекара әскерлері қолбасшылары кеңесінің үйлестіру қызметі делегациясы.
Кездесу барысында ҚР МШҚ төрағасы полковник Ұларбек Шаршеев бүгінгі күні қалыптасқан жағдай кезінде ведомствоаралық және мемлекетаралық деңгейлерде ақпараттық-техникалық ынтымақтастықты арттыру арқылы шекаралық бақылау органдарының жұмысын жетілдіру өте маңызды екенін айтты.
Осыған байланысты, бүгінгі тақырып «Шекаралық бақылаудың автоматтандырылған жүйесін дамытудың негізгі бағыттары және оны қылмыскерлерді мемлекетаралық іздестіруде қолдану».
Жұмыс кездесуіне қатысушылар арасында шекаралық бақылау органдарының қызметін жақсарту және оны жетілдіру тәсілдерімен тәжірибе алмасу өтті.
Олар бүгінгі кездесудің жоғары ұйымдастырылғанын атап өтіп, Қырғыз Республикасына жылы қабылдағаны үшін алғыс білдірді. Кездесу соңында тараптар хаттамаға қол қойды.
Қатысушылар Шыңғыс Айтматовтың мұражай-үйіне барды. Олар жазушының кабинеті мен оның жеке кітапханасын көрді.
Сонымен қатар, барлық қонақтарға Шыңғыс Айтматовтың кітаптары естелік сыйлық ретінде табыс етілді.Ресми қонақтарға арналған кітапта тілектерін қалдырды.
