Бүгін, 1 ақпанда, Алматыда Еуразиялық үкіметаралық кеңестің 16-шы отырысы және халықаралық сандық форум өтеді. Дмитрий Медведев екі іс-шараға да қатысады.
Кездесуде Еуразиялық экономикалық одақтың (ЕЭО) сандық күн тәртібі талқыланады. Аталған тақырып бойынша әңгіме “Жаһандану дәуіріндегі цифрлық күн тәртібі 2.0” форумының пленарлық сессиясында жалғасады. Сонымен қатар, Ресей премьер-Министрі Еуразияның инновациялық экожүйесі туралы мәселені талқылауға қатысуды жоспарлап отыр.
Үкімет аппараты басшысының бірінші орынбасары Сергей Приходько былай деді: “Үкіметаралық кеңестің осы жылғы бірінші отырысына Армения төрағалық етеді. Өткен отырыс былтыр 27 қарашада Минскіде өткізілген”.
Іс-шараға қатысушылар интеграциялық процестерді дамытуға, ЕАЭО аясында бірыңғай нарықтарды қалыптастыруға, Одақтың нормативтік-құқықтық базасын нығайтуға, салалық ынтымақтастықты дамытуға және өзара саудадағы кедергілерді жоюға ерекше көңіл бөледі.
Сондай-ақ, халықаралық үкімет кеңесі шешімдерінің орындалу барысы, Одақтың сандық күн тәртібін жүзеге асыру барысы қаралатын болады. Еуразиялық үкіметаралық кеңестің алкоголь нарығын реттеу туралы келісім жобасы да назардан тыс қалмайды. Еуразиялық үкіметаралық кеңесте ортақ газ нарығын қалыптастырудың жекелеген мәселелері көтерілетін болады.
Халықаралық форумның басты мақсаты – Еуразиялық үкіметаралық кеңес елдерінің сандық экономикаларын дамытуды жеделдетіп, олардың бәсекеге қабілеттілігін арттыруға мүмкіндік беретін бірлескен шараларды әзірлеу.
Сондай-ақ, шараға Қазақстан премьер-Министрі Бақытжан Сағынтаев, Еуразиялық экономикалық комиссия алқасының Төрағасы Тигран Саргсян, Беларусь министрлер кабинетінің басшысы Сергей Румас, Қырғызстан үкіметінің басшысы Мұхамметкалый Әбілғазиев және Арменияның вице-премьері Мгер Григорян қатысады.
Сулет: kaztag.info
