Біріккен Ұлттар Ұйымы Адам құқықтары жөніндегі бюросының өкілдері Қазақстанда наразылық акциясына қатысушыларна тым қатал болды деп санайды, өйткені өрескел шаралар тұтастай алғанда әлеуметтік тұрақтылыққа әсер етуі мүмкін. Бұл туралы “ҚазТАГ” ақпарат агенттігі хабарлады.
“9 маусымда президент сайлауы кезінде және одан кейін Қазақстанның бейбіт шерушілерге, белсенділер мен журналистерге қарсы әрекеттері терең өкініш тудырады. Ой-пікірді еркін білдіру және бейбіт жиналыстар бостандығы табысты және серпінді қоғамды құрудың негізгі блоктары болып табылады. Оларды қажетсіз және негіздемесіз шектеудің кез келген әрекеті тұрақтылық пен әлеуметтік тұтастыққа қауіп төндіреді”, – деп мәлімдеді БҰҰ Орталық Азиядағы адам құқықтары жөніндегі кеңсесінің жетекшісі Ришард Коменда.
Ришард Коменда 9 және 10 маусымда ресми деректер бойынша митингіге қатысқан 1000-ға жуық азамат ұсталғанын айтты. Ол тіпті ақпараттық агенттіктердің қызметкерлері де қамауға алынғанын айтты.
«Ресми тұлғалар 550 адамның « рұқсат етілмеген жиналысқа қатысқаны үшін » айыпталғанын және жазаланғанын растады – бұл Қазақстандағы әкімшілік құқық бұзушылық болып табылады – деді Коменда.
.
Сонымен қатар, ол ұсталғандардың соты жедел режимде, ал кейбіреулері тіпті адвокаттың қатысуынсыз өткендігін хабарлады.
“БҰҰ-ның адам құқықтары жөніндегі басқармасы келіспейтіндерді саяси көзқарастарын бейбіт және заңды білдіргені үшін қамауға алу мен соттаудың ауқымдылығына алаңдаушылық білдіреді. Бұл Қазақстанның адам құқықтары саласындағы халықаралық міндеттемелеріне айқын қарама-қайшы. Мен Қазақстанды бейбіт жиналыстар бостандығы құқығын құрметтеу және қорғау, пікір білдіру және саяси өмірге сындарлы қатысу құқығын қамтамасыз ету жөніндегі өзінің заңды міндеттемелерін орындауға шақырамын”, – деп қорытындылады Коменда.
