Біріккен Ұлттар Ұйымының нәсілдік кемсітушілікті жою жөніндегі комитетінің төрағасы Янь Дуань Ли Қазақстанның БҰҰ жанындағы тұрақты өкілі, елші Жанар Айтжанованың атына хат жолдады. Бұл туралы “ҚазТАГ” ақпарат агенттігі жазады.
Хатта жақында БҰҰ-ға Қордайда орын алған тәртіпсіздіктің салдарынан дүнгендердің үйлері қирап, сол себепті Қазақстаннан кетуге мәжбүр болғаня туралы хабарлама түскені айтылған. Онда Қордай ауданындағы оқиғалардан кейін, құқық қорғау органдары дүнгендерді қорқытып, қудалай бастағаны айтылған.
Сонымен қатар, БҰҰ өкілдеріне Қордай тәртіпсіздігі деректері бойынша қылмыстық істерді тергеу барысында дүнгендерді азаптағаны хабарланған.
Осыған байланысты нәсілдік кемсітушілікті жою жөніндегі комитет Қазақстан басшылығынан осы жылдың 30 қазанына дейін осыған қатысты түсініктеме күтеді.
Қордай ауданындағы тәртіпсіздік ағымдағы жылдың 7 ақпанында болды. Президент Қасым-Жомарт Тоқаев айтқандай, бұл оқиғалардың себебі, нәтижесінде екі қылмыстық топ арасында қақтығыс орын алған, заңсыз кіріс көздерін бақылау үшін күрес.
Сурет: usembassy.gov
