Бірнеше ауылын су басқан Мақтаарал ауданына Түркістан қаласының Өзбек этномәдени бірлестігінен ізгілік көмек келді. Бұл туралы “Қазақпарат” ақпарат агенттігі хабарлады.
Гуманитарлық көмек құрамында Азық-түлік тауарлары, бірінші кезекте қажетті заттар, гигиеналық құралдар мен жиһаз бар. Гумкөмектің жалпы құны 10 миллион теңгені құрады.
Бұл туралы этномәдени бірлестіктің жетекшісі, Қазақстан халқы Ассамблеясының мүшесі Бахадыр Ирисметов Мақтаарал ауданы ауылдарын су басуы жалпы апат болып табылады, сондықтан осындай қиын жағдайда барлық Қазақстан халқы зардап шеккендерді қолдайды.
Мақтаарал ауданына гуманитарлық көмекті этномәдени бірлестік белсенділері жеткізді. Барлық гумкөмек заттары жедел штаб қоймасына орналастырылды.
Бұған дейін хабарланғандай, Мырзакент елді мекенінде жаңа шағын ауданның құрылысы басталды. Онда салынатын үйлер қатты зардап шеккен отбасыларға беріледі.
