“ҚазМұнайГаз” ҰК АҚ Басқармасы мен Директорлар кеңесінің шешімімен “ҚазТрансГаз” АҚ Директорлар кеңесінің төрағасы лауазымына Әділбек Рыскелдіұлы Жақсыбеков тағайындалды.
Осы қызметті атқарған Қайрат Қаматайұлы Шәріпбаев “ҚазМұнайГаз” ҰК АҚ Директорлар кеңесінің шешімі негізінде және “Самұрық-Қазына “ұлттық әл-ауқат қоры” АҚ басқармасының келісімі бойынша “ҚазТрансГаз” АҚ Басқарма Төрағасының газ тасымалдау және маркетингі жөніндегі орынбасары лауазымын қоса атқарып, басқарма Төрағасы болып тағайындалды.
Компанияның бас директоры қызметін атқарған Рустам Эдуардович Сулейманов “ҚазТрансГаз”АҚ Басқарма төрағасының орынбасары болып тағайындалды.
Әділбек Рыскелдіұлы Жақсыбеков мемлекеттік құрылымдарда басшылық қызметте үлкен тәжірибеге ие. Бұрын Индустрия және сауда министрі, Қазақстан Республикасы Президенті Әкімшілігінің Басшысы, Қазақстан Республикасы Президентінің Кеңесшісі, Қазақстан Республикасының Ресей Федерациясындағы Төтенше және Өкілетті Елшісі, Қорғаныс министрі, Мемлекеттік хатшы, Астана қаласының әкімі қызметтерін атқарған. 2018 жылдан бастап 2019 жылға дейін “Цесна “Корпорациясы”АҚ Директорлар кеңесінің төрағасы болды.
Қайрат Қаматайұлы Шәріпбаевтың газ саласында 2001 жылдан бері жұмыс тәжірибесі мол. 2016 жылғы тамызда газ тасымалдау және маркетингі жөніндегі Атқарушы вице-президент болып тағайындалды, 2018 жылғы маусымнан бастап “ҚазТрансГаз” АҚ барлық компаниялар тобының қызметіне жетекшілік ете отырып, “ҚазМұнайГаз”ҰК АҚ газ тасымалдау және маркетингі жөніндегі басқарма төрағасының орынбасары лауазымын атқарады. 2015 жылғы желтоқсаннан бастап “ҚазТрансГаз”АҚ Директорлар кеңесінің төрағасы лауазымын атқарды.
Естеріңізге сала кетейік,” ҚазТрансГаз ” АҚ отандық және шетелдік газ нарығында мемлекет мүддесін білдіретін Қазақстан Республикасының негізгі газ тасымалдау және газбен жабдықтау компаниясы болып табылады. Компания ҚР Үкіметінің 2000 жылғы ақпандағы қаулысына сәйкес құрылды.
Сурет: zakon.kz
