Астана экономикалық тергеу департаменті Тергеу басқармасының басшысы Болат Қамитов отандық “Казтехнология” компаниясына қатысты сотқа дейінгі тергеу жүргізіліп жатқанын айтты, деп хабарлайды zakon.kz ақпарат агенттігі.
Болат Қамитовтың айтуынша, бұл компанияның басшылығы Арыс және Отардағы әскери бөлімдердегі оқ-дәріні кәдеге жаратқаннан кейін бюджет қаражатын жымқырды деп күдікке ілініп отыр.
Сонымен қатар, ол 1,7 миллиард теңгеден астам бюджет қаражатын жымқыру туралы сөз болып отырғанын атап өтті. “Казтехнология” компаниясының басшылығына қатысты қылмыстық іс 2013 жылы да қозғалып, әлі күнге дейін аяқталмаған.
Болат Қамитов бұл жөнінде қосымша ақпарат берген жоқ, қазір тергеу бастапқы сатыда және оны егжей-тегжейлі жария қылуға құқығы жоқ екенін айтты.
“Казтехнология” компаниясы патрондарды өндіруге маманданған, сондай-ақ жарылғыш материалдарды сақтаумен айналысады және оқ-дәрілерді кәдеге жаратуды жүзеге асырады.
Арсеналдағы оқ-дәрі жарылысы өткен жылдың жазында орын алды. Оқиға салдарынан екі әскери қызметкер мен бір жергілікті тұрғын қаза тапты.
Сурет: m.ru.sputniknews.kz
