«Қазмедиаорталығының» екі күзет қызметкері Vласть ақпараттық агенттігінің журналисті Тамара Ваальға шабуыл жасағаны үшін жазаға тартылды. Бұл туралы Қазақстан Ақпарат және қоғамдық даму министрлігінің баспасөз қызметі хабарлады.
Ведомствода хабарлағандай, өзінің еңбек міндеттерін тиісінше орындамағаны үшін тәртіпті бақылау қызметінің қызметкері Жарас Ақышев пен оның тікелей бастығы Нұрлан Садықов сөгіс түріндегі жаза алды.
Сонымен қатар, тілшінің қолын бұрағпн ішкі істер қызметкері де жазаланатын болады. Алайда, оны жазалау шараларының шешімін құқық қорғау ведомствосы шығаратын болады.
Сондай-ақ, ақпарат министрлігі «Қазмедиаорталықтың» ғимаратында орын аллған оқиға үшін тілші Тамара Ваальдан кешірім сұрады.
Бұған дейін БАҚ-та Қазақстан министрлер кабинеті басшысының орынбасары Роман Склярдан сұхбат алуға тырысқан Vласть ақпарат агенттігінің журналистеріне шабуыл жасау туралы ақпарат пайда болды. , күзетшілер тілшіні құрықтап, оған күш қолданғаны хабарланған.
Сурет: vlast.kz
