«ҚазМұнайГаз» Ұлттық компаниясы» акционерлік қоғамы «ҚазМұнайГаз» жанар-жағар май құю станциясы желісіне тиесілі «KMG-Retail Limited Partnership» компаниясындағы жүз пайыз үлесін 60 млрд 500 млн теңгеге сату туралы жариялады.
12 желтоқсан күні мемлекеттік мүлікті тіркеудің веб-сайтында «KMG Retail» ЖШС-де 100% үлесті сату бойынша сауда-саттық өтті. Аукцион туралы ақпарат, олардың шарттары, оларға қатысқан компаниялар мен жеңімпаздар туралы www.gosreestr.kz сайтында танысуға болады.
8 ақпанда ұжымдар байқауының жеңімпазы «Petro-Retail» ЖШС-сі «KMG-Retail» ЖШС-мен 100% үлесін сату- сатып алу шартын жасалды.
1 сәуірден бастап «ҚМГ–Retail» ЖШС мен «ҚазМұнайГаз Өнімдері» ЖШС арасында ЖМС желісін пайдалануды және мұнай өнімдерінің бөлшек саудасын жүзеге асыратын ҚМГ еншілес компаниясы арасында ЖМС желісін жалдау және пайдалану шартының қолданылуы тоқтатылды. 1 сәуірден бастап ЖҚС пайдалануды жаңа иесі – «Petro-retail» ЖШС жүзеге асырады.
Шарттардың бірі персоналдың жұмыспен қамтылуын сақтау болып табылады. 2 ай ішінде жаңа иеленуші «ҚазМұнайГаз Өнімдері» ЖШС мен оның филиалдарының барлық өндірістік қызметкерлерін кемінде 6 ай мерзімге жұмысқа қабылдауы тиіс.
Байқаудың және сатып алу-сату шартының талаптарына сәйкес «ҚазМұнайГаз» ЖМС желісінің саудалық атауы жыл соңына дейін өзгертілмейді. ЖМС желісін жекешелендіру ҚМГ даму стратегиясына сәйкес келеді және Yellow Pages қағидаттарына сай экономикадағы квази-мемлекеттік сектордың үлесін қысқарту бағдарламасы шеңберінде жүзеге асырылады.
Сурет: holanews.kz
