«ҚазМұнайГаз» ҰК» АҚ ағымдағы жылға жоспарланған мұнай өндіру көлемі туралы айтты, деп хабарлайды» ҚазАқпарат «ХАА.
«ОПЕК + шеңберіндегі шектеулер ҚазМұнайГаз компаниясына қолданылады. Біз ай сайын, өндіру көлемі бойынша, осы саладағы реттеуші ретінде Энергетика министрлігімен келісеміз. Жағдай жиі өзгеріп отыратындықтан, қазір өндірістің жалпы көлемі қандай болатынын айту қиын. Алайда, біз оның 2020 жылдағыға жақын болады деп күтеміз. Яғни, ірі жобалардағы Қазмұнайгаздың үлесін ескере отырып, шамамен 21-22 млн тонна», — деді «ҚазМұнайГаз» ҰК» АҚ Басқарма төрағасының экономика және қаржы жөніндегі орынбасары Дәурен Қарабаев онлайн-брифинг барысында журналистердің сұрақтарына жауап бере отырып.
Бұған дейін ол British Petroleum компаниясының Қазақстаннан кету себебін айтқан болатын.
«British Petroleum Қазақстанда біраз уақыттан бері жоқ. British Petroleum 2009 жылы Қарашығанақ және КҚК жобаларынан шықты, бұл сол кезде осындай стратегияның болуына байланысты болды», — деді спикер Дәурен Қарабаев, 2019 жылы компания Қазақстандағы мұнай-газ жобаларына әлеуетті кіруді қарастыруға ниет білдіргенін, бірақ кейін бас тартқанын қоса айтты.
