Мемлекет басшысы Қасым-Жомарт Тоқаев Азия даму банкінің президенті Такехико Накаомен екіжақты кездесу өткізіп, онымен бірқатар мәселелерді талқылады. Бұл туралы Ақорданың баспасөз қызметі хабарлады.
Кездесу басында Президент Тоқаев Такехико Накаоны біздің республика мен Азия Даму Банкі арасындағы ынтымақтастық орнатудың 25 жылдық мерейтойымен құттықтады.
“Қазақстан Үкіметі мен АДБ арасындағы ынтымақтастықты дамытуға қосқан үлесіңіз үшін Сізге алғысымызды білдіреміз. Банктің біздің экономикамыздағы үлесі айқын көрінеді және біз оны жоғары бағалаймыз”, – деді Қазақстан Президенті.
Қасым-Жомарт Тоқаевтың Қазақстан халқына Жолдауымен танысу туралы айта келе, Азия банкінің басшысы осы стратегиялық құжаттың негізгі бағыттарын оң бағалады, сондай-ақ оның әлеуметтік құрамдас бөлігін атап өтті.
