Қазақстанның оңтүстік астанасында Еуропа бойынша үйлестіру комитетінің “Кодекс Алиментариус” комиссиясының 31-ші сессиясы өтуде. Іс-шараға Азия, Африка, Еуропа және АҚШ-тың 38 елдерінен екі жүзден астам делегат қатысуда.
Сессияда азық-түлік қауіпсіздігі мәселелері қаралады деп жоспарлануда. Сонымен қатар, тараптар азық-түлік өнімдерін бұрмалау мәселелерін талқылайды.
Сондай-ақ, шара аясында сүт және шоколад өнімдерінен қазақстандық өндірушілердің көрмесі өтеді деп күтілуде.
Осы сессияны ұйымдастырушылар бүгінгі күні азық-түлік өнімдерінің қауіпсіздігі бүкіл әлемдік қауымдастық мәселесі болып табылатынын мәлімдеді.
Қазақстан Республикасы Денсаулық сақтау министрінің орынбасары Ләззат Ақтаева “Кодекс Алиментариус” шикі және өңделген тамақ өнімдеріне қатысты халықаралық қабылданған стандарттар бірыңғай форматта ұсынылған жиынтық болып табылатынын айтты.
“Бұл стандарттар тұтынушылардың денсаулығын қорғауға және адал азық-түлік саудасын қамтамасыз етуге арналған. Кодекс халықаралық сауданы дамыту үшін үйлестіру деңгейін арттыруға мүмкіндік береді және сауда дауларын шешуде маңызды рөл атқарады. Азық-түлік өнімдері, тағамдық қоспалар гигиенасы, қоспаларды ластайтын ветеринариялық – дәрілік препараттар пестицидтерінің қалдықтары, таңбалау, талдау және сынама алу әдістері, Еуропа елдері мен Алиментария кодексінің талаптарын қабылдайтын басқа елдер үшін азық-түлік тізбегінің барлық кезеңдерінде азық-түлік өнімдерінің импорты мен экспортын сертификаттауды бақылау туралы ереже бар”, – деді ол.
Сурет: fao.org
