Талғар ауданының әкімдігі Панфилов ауылдық округінің әкімі Нұрғали Аппазов қызметінен босатылғаны туралы хабарлады.Ол және оның жүргізушісі азаматтық белсенді Галина Арзамасоваға қатысты қару қолданып бұзақылық жасады деп күдіктенуде.
Алматы облыстық полиция департаменті қызметкерлерінің ақпараты бойынша, бұрынғы әкімге және оның жүргізушісіне қатысты ҚР ҚК 293 бабы 3 бөлігі бойынша сотқа дейінгі тергеу жүргізілуде.
«Бұған дейін Галина Арзамасованың ауыл клубын жекешелендіру, жергілікті тұрғындардың рұқсатынсыз жасыл аймақ деп аталатын жерлерді сату, жайылымның жетіспеушілігі және ағаштардың заңсыз кесілуі туралы көтерген сұрақтарына әкімдік тарапынан уақытылы жауаптар берілді», — деп хабарлады Талғар ауданы әкімдігінің баспасөз қызметі.
Естеріңізге сала кетейік,ағымдағы жылдың 26 тамызында азаматтық белсенді Галина Арзамасоваға Талғар қаласының әкімдігіне кіре берісте атыс қаруынан оқ атқан болатын.
Сурет: vlast.kz
