Ел басшылығының шешімі бойынша Қазақстанда медициналық бетперде кию міндетті болды. Бұл талапты сақтамағандарға 30 айлық есептік көрсеткіш көлемінде әкімшілік айыппұл салынады, деп хабарлайды «ҚазТАГ» ақпарат агенттігі.
Алайда, кейбір азаматтар биліктің бұл шешімімен келіспей, Президент Қасым-Жомарт Тоқаевқа, Денсаулық сақтау министрі Алексей Цойға және елдің бас дәрігері Айжан Есмағамбетоваға петиция жазды.
Құжатта азаматтар біздің республикамызда міндетті түрде бетперде киюге және осы ережені сақтамағандарды әкімшілік жауапкершілікке тартуға қарсы екендігі көрсетілген. Өтінішке 15 мыңнан астам қол қойды.
Үстіміздегі жылдың 30 шілдесінде мемлекетіміздің бас санитарлық дәрігері қол қойған жарлыққа сәйкес азаматтар көшеде бетпердесіз жүрмеуі керек, бетперде кимеген адамдар әкімшілік жауапкершілікке тартылады.
Сол күні Денсаулық сақтау министрлігінің басшысы бұйрыққа қол қойды, онда да Қазақстан азаматтары көшеде медициналық бетперде киюге міндетті екені айтылды.
