Якутск мемлекеттік ауыл шаруашылығы академиясының делегациясы Қазақстанда жұмыс жүргізді, қорытындысы М.Қозыбаев атындағы Солтүстік Қазақстан мемлекеттік университетімен және “Қазақ ұлттық аграрлық университеті” КеАҚ екіжақты меморандум жасалды. Бұл туралы Якутс ауылшаруашылық академиясының баспасөз бөлімі хабарлады.
Жоғары білім берудегі академиялық ынтымақтастықты дамыту үшін магистрдің біліктілігін қамтамасыз ететін қос диплом бағдарламалары туралы құжатқа қол қою туралы шешім қабылданды.
“Қос диплом бағдарламасы бойынша оқитын студенттер екі университеттің дипломын алады. Солтүстік Қазақстан облысы аграрлық аймақ болғандықтан, мамандарды дайындау кезінде аграрлық сала басымдыққа ие. Ең алдымен біз СҚМУ-мен ғылым және кадрларды даярлау саласында тәжірибе алмасуға мүдделіміз. Мен алдыңғы қатарлы қазақстандық аграрлық ЖОО-мен ынтымақтастық біздің академияның дамуына жаңа серпін беретініне сенімдімін”, – деді ЯМАШ ректоры Иван Слепцов.
Сонымен қатар, Алматы қаласының Қазақ ұлттық аграрлық университетімен келісім жасалды. Келісім-шарттың басты мақсаты ғылыми зерттеулер, халықаралық гранттар, сондай-ақ дипломнан кейінгі білім беру, қос диплом бағдарламасын орындау саласындағы академиялық ынтымақтастықты арттыруға жәрдемдесу болып табылады.
Бірлескен істі жүзеге асыру бойынша негізгі жұмыс ағымдағы жылдың мамыр айынан басталады. Біліктілікті арттыру және тәжірибе алмасу мақсатында Қазақ ұлттық аграрлық университетінің оқытушылары Якутияға барады. Сондай-ақ, ЯМАШ магистранттары мен оқытушыларын осы ЖОО оқу және тағылымдамадан өткізу үшін жіберу көзделген.
Сурет: sm-news.ru
