Қазақстан президенті Қасым-Жомарт Тоқаев Қазақстанның сыбайлас жемқорлыққа қарсы қызметінің төрағасы Алик Шпекбаевпен кездесті. Бұл туралы Мемлекет басшысының баспасөз қызметі хабарлады.
Кездесу барысында сыбайлас жемқорлыққа қарсы ведомство басшысы Тоқаевқа агенттік құрылымында бес жаңа департамент,атап айтқанда,алдын алу, адалдық, серіктестік және квазимемлекеттік сектордағы, құқық қорғау және сот органдарындағы сыбайлас жемқорлық қылмыстарын анықтау департаменттері құрылғанын баяндады.
Өз кезегінде Мемлекет басшысы сыбайлас жемқорлыққа қарсы іс-қимыл бойынша кеңейтілген отырыс кезінде берілген тапсырмаларды орындау үшін уақытылы заңнамалық және ұйымдастырушылық шараларды қабылдау қажеттігін мәлімдеді.
Кездесу соңында Қасым-Жомарт Тоқаев мемлекеттік органдардың бірінші басшыларын қарамағындағылар сыбайлас жемқорлықпен айналысқаны үшін орнынан түсіру институтын енгізудің маңыздылығын атап өтті.
Сурет: Akorda.kz
