Ресей астанасында Ломоносов атындағы Мәскеу мемлекеттік университеті алаңында “Іскерлік Еуразия” білім форумы өтеді, деп хабарлайды inbusiness.kz ақпарат ресурсы.
Форумда Ресейдің, Қазақстанның, Қырғызстанның, сондай-ақ Тәжікстан мен Өзбекстанның жас оқытушылары мен жастар ұйымдарының өкілдері жиналады.
13-14 наурызда өтетін шараның басты – тақырыбы әлеуметтік жобалау. Форум аясында жас мамандар өз жобаларын ұсынып, жеке тиімділігін тексеруге мүмкіндік алады.
Форум бағдарламасы өте мазмұнды болды, оған түрлі оқыту семинарлары мен тренингтер және жастар жобаларын жүзеге асырумен айналысатын сарапшылармен кездесулер енгізілген.
Сонымен қатар, іс-шараға қатысушылар алдында әлеуметтік жобаларды жүзеге асырумен айналысатын ресейлік жетекші университеттер мен мемлекеттік құрылымдардың өкілдері сөз сөйлейді.
“Іскерлік Еуразия” форумының ұйымдастырушысы Ломоносов атындағы Мәскеу мемлекеттік университетінің Ақпараттық-талдау орталығы болып табылады.
Сурет: inbusiness.kz
