Қазақстандық ішкі істер министрлігінің басшысы Ерлан Тұрғымбаев Ұлттық гвардия жауынгерлері, полицейлер мен құтқарушылар өздерінің бір күндік жалақысын коронавирус инфекциясымен күреске аударатынын айтты. Бұл туралы ҚР ІІМ баспасөз қызметі хабарлады.
Жалпы алғанда, Қазақстанның құқық қорғау ведомствосының қызметкерлері елімізде коронавирустың таралуын болдырмау жөніндегі іс-шараларды іске асыруға 400 миллион теңгеге жуық қаржы аударады.
«Біз тынымсыз қызмет істеп жатқан полиция қызметкерлеріне, әскери және азаматтық қорғау қызметкерлеріне ризашылығымызды білдіреміз. Алдымызға төнген қауіп-қатерге саналы түрде, ынтымақтаса қарсы тұру — қоғамның жетілуінің көрсеткіші. Кемелденген қоғамымыздың бір бөлшегі ішкі істер органдарының қызметкерлері болып табылады», – деп атап өтті Ерлан Тұрғымбаев.
Бүгінгі таңда коронавирустың таралуын болдырмау мақсатында Қазақстанда мемлекет басшысы Қасым-Жомарт Тоқаевтың тапсырмасы бойынша төтенше жағдай режимі енгізілді.
Қазақстан Республикасында коронавирус ауруының 54 жағдайы ресми түрде тіркелді. Бұл вирусты жұқтыру жағдайлары Нұр-Сұлтан, Алматы, Қарағанды және Алматы облыстарында анықталды, еліміздің басқа өңірлерінде инфекция анықталған жоқ.
