Қазақстан Президенті Қасым-Жомарт Тоқаев цифрлық даму, инновация және аэроғарыш өнеркәсібінің жаңа министрін тағайындады. Бұл туралы Қазақстан президентінің баспасөз қызметі хабарлады.
“Асқар Қуанышұлы Жұмағалиев Қазақстан Республикасының цифрлық даму, инновация және аэроғарыш өнеркәсібі министрі болып тағайындалсын, ол бұрынғы атқарған қызметінен босатылсын”, – деді өз жарлығында Қасым-Жомарт Тоқаев.
Асқар Жұмағалиев 1972 жылы Орынбор облысында дүниеге келген. Ол Свердловск Суворов әскери училищесін бітірді. Сондай-ақ Жұмағалиев Қазақ ұлттық техникалық университетін “радиобайланыс, радиохабар және теледидар” мамандығы бойынша және Қазақ гуманитарлық-заң университетін “заңтану” мамандығы бойынша бітірген. Сонымен қатар, Лозанна федералды политехникалық мектебі жанындағы электрондық басқару саласы магистрі ғылыми дәрежесі бар.
2019 жылдан бастап бүгінгі күнге дейін Қазақстанның цифрлық даму, Қорғаныс және аэроғарыш өнеркәсібі министрі қызметін атқарды.
Сурет: inform.kz
