Қазақстан шекараларында санитарлық-карантиндік пункттер құру туралы шешім қабылданды. Бұл туралы Қазақстандық индустрия және инфрақұрылымдық даму министрлігінің баспасөз қызметі хабарлады.
Бұл бағытта жұмыстар жүргізіліп жатыр. Бұл іспен Индустрия министрлігі шекара қызметімен бірлесіп айналысуда. Санитарлық-карантиндік пункттер Республиканың қолданыстағы өткізу пункттерінде құрылатын болады.
Индустрия министрлігі арнайы карантиндік аймақтар Қазақстанның барлық өткізу пункттерінде емес, тек біздің елде төтенше жағдай режимін қамтамасыз етуге жауап беретін мемкомиссия бекітетін жерлерде құрылатынын атап өтті.
Сонымен қатар мемлекеттік комиссия Қазақстан Республикасының шекарасындағы жекелеген өткізу пункттерін жабу туралы мәселені пысықтайды.
Бүгінгі таңда біздің республика шекарасында 51 өткізу пункті бар, оның ішінде 37 өткізу пункті Еуразиялық экономикалық одақ елдерімен – Қырғызстанмен және Ресеймен шекарада орналасқан.
Қазір Қазақстанда коронавирустың өршуіне байланысты енгізілген төтенше жағдай режимі жұмыс істейді. Соңғы мәліметтер бойынша, елімізде осы вирусты жұқтырудың 35 жағдайы тіркелді.
Сурет: inform.kz
