Сауда министрі Бақыт Сұлтанов елімізде құрылып жатқан ұлттық тауар өткізу жүйесі туралы айтты, деп хабарлайды kt.kz ақпарат ресурсы.
Ол бұл жүйе фермерлер өндіретін тауарларды сақтау және қайта бөлу бойынша қызметтердің толық жиынтығын ұсынуға арналған 24 көтерме-тарату орталықтарынан тұратынын түсіндірді.
Сұлтанов осы орталықтарды құрудың арқасында қазақстандық ауыл шаруашылығы өндірушілері кепілдендірілген тауарларды өткізумен қамтамасыз етілетінін, бұл өз кезегінде олардың кірістерінің өсуіне ықпал ететінін атап өтті.
“Жалпы, ұлттық тауар өткізу жүйесі фермерлерді, сатып алушыларды, көлік қызметкерлерін, өткізушілерді және тұтынушыларды кластерге біріктіруде зәкірлік инфрақұрылым болады”, – деді министр.
Сонымен қатар, сауда министрлігінің басшысы бұл жүйе құрылғаннан кейін, ол Еуразиялық азық-түлік хабының басты инфрақұрылымына айналатынын атап өтті.
Сұлтанов бұл жүйені Еуразиялық экономикалық одақ пен Орталық Азия мемлекеттерінің аналогтарымен құру – Президент Қасым-Жомарт Тоқаевтың берген маңызды тапсырмасы екенін айтты.
Сурет: mail.kz
