Инфекцияның таралуының алдын алу мақсатында Қарағанды облысының бес қаласы карантинге жабылады. Бұл туралы Қарағанды тауарлар мен қызметтердің сапасы мен қауіпсіздігін бақылау департаментінің басшысы Қанат Асқаров мәлімдеді.
Брифинг барысында Қанат Асқаров Қарағанды, Саран, Шахтинск, Абай және Теміртау қалалары карантинге жабылатынын айтты.
Сонымен қатар, ол Қарағанды облысында коронавирус инфекциясын жұқтырудың 7 оқиғасы тіркелгеніне назар аударды. Олардың барлығы Қарағанды қаласында анықталды.
“Бірақ, қала маңы тұрғындарының 20 %-ы Қарағандыға жұмысқа және басқа да мәселерімен келетінін ескере отырып, осы қалаларда коронавирустың одан әрі таралуына жол бермеу үшін карантин енгізу қабылданды”, – деп толықтырды Қанат Асқаров.
Брифинг барысында Қанат Асқаров ағымдағы жылдың 30 наурызынан бастап Қарағанды облысының атплған қалаларында карантин режимі жұмыс істейтінін атап өтті.
Қазір карантиндік режим Нұр-Сұлтан, Алматы қалаларында және Шымкент аудандарының бірінде енгізілді. Сондай-ақ, 30 наурыздан бастап осы тәртіп Ақтауда іске қосылады.
