Қазақстанның сыртқы саяси ведомствосы басшысының орынбасары Ержан Ашықбаев біздің еліміздегі БҰҰ құрылымының әйел өкілі Илейн Конкиевичті, оның миссиясының аяқталуына байланысты қабылдады. Бұл туралы ҚР Сыртқы істер министрлігінің баспасөз қызметі хабарлады.
Қазақстандық сыртқы саясат ведомствосының ақпараты бойынша, кездесу барысында Сыртқы істер министрінің орынбасары БҰҰ құрылымының әйел өкілі — елімізде гендерлік теңдікті ілгерілету мәселелерінде Қазақстан үкіметіне көрсеткен қолдауы үшін алғысын білдірді.
Сондай-ақ, кездесуде Женевадағы БҰҰ комитетіне әйелдерге қатысты кемсітушіліктің барлық нысандарын жою туралы конвенцияның іске асырылу барысы туралы бесінші мерзімді баяндаманы даярлауда БҰҰ-Әйелдер құрылымының рөлі атап өтілді.
Сонымен қатар, Қазақстан Сыртқы істер министрлігі басшысының орынбасары Пекин декларациясы мен іс-қимыл платформасын іске асыруда жоғарыда аталған құрылымның көмегін жоғары бағалады.
