Қазақстан Республикасы Сыртқы істер министрлігінің басшысы Мұхтар Тілеуберді түркі тілдес мемлекеттердің ынтымақтастық Кеңесінің бас хатшысы Бағдад Әміреевпен кездесті, деп хабарлайды Қазақстан Республикасы сыртқы саясат ведомствосының баспасөз қызметі.
Қазақстан Сыртқы істер министрлігінің ақпараты бойынша, кездесудің басты тақырыбы осы жылдың 15 қазанында Баку қаласында өтетін “Шағын және орта бизнесті дамыту” тақырыбындағы ТМЫК-ға қатысушы елдер басшыларының 7-ші отырысы болды.
Келіссөздер барысында Қазақстанның Сыртқы істер министрі ТМЫК-ның алдағы отырысы ұйым тарихындағы маңызды оқиға болатынын атап өтті.
Өз кезегінде, ТМЫК-ның бас хатшысы қазақстандық дипломатты ТМЫК саммитіне дайындық барысы және осы ұйым аясындағы экономикалық ынтымақтастықты дамыту жоспарлары туралы хабардар етті.
Сурет: Mfa.gov.kz
