Қазақстанның сыртқы істер министрі Мұхтар Тілеуберди Норвегияның Сыртқы істер министрлігінің мемлекеттік хатшысы Аудюн Халворсенмен кездесу өткізді, деп хабарлайды Қазақстан Республикасы сыртқы саясат ведомствосының баспасөз қызметі.
Келіссөздер барысында Қазақстан мен Норвегия арасындағы екіжақты ынтымақтастықты одан әрі дамыту мәселелері талқыланды.
Сондай-ақ, кездесуде екі мемлекеттің халықаралық құрылымдар аясындағы өзара іс-қимыл мәселелеріне назар аударылды. Мұхтар Тілеуберди бүгінгі таңда Қазақстан мен Норвегия БҰҰ кеңістігінде табысты ынтымақтастықта екенін атап өтті.
Қазақстан сыртқы істер министрлігінің басшысы Нұр-Сұлтан Норвегия астанасымен екіжақты және көпжақты ынтымақтастықтың барлық спектрі бойынша қарым-қатынасты одан әрі нығайтуға әзір екенін мәлімдеді.
Кездесу соңында Қазақстанның сыртқы саяси ведомствосының басшысы Норвегия сыртқы істер министрлігінің мемлекеттік хатшысын келесі жылы ресми сапармен біздің республикамызға келуге шақырды.
