Қазақстан Сыртқы істер министрлігінің басшысы Мұхтар Тілеуберді Германия, Біріккен Араб Әмірліктері, Пәкістан және Ұлыбритания елшілерімен бірқатар кездесулер өткізді, деп хабарлайды Қазақстан Республикасы сыртқы саясат ведомствосының баспасөз қызметі.
Алғашында Мұхтар Тілеуберди Германияның дипломаты Тило Клиннермен кездесті.Кездесуде екіжақты ынтымақтастықты дамытуға қатысты мәселелер талқыланды.Сонымен қатар, тараптар мемлекет басшысы Қасым-Жомарт Тоқаевтың ГФР-ға алдағы сапарын талқылады.
Одан әрі Қазақстанның сыртқы саяси ведомствосының басшысы БАӘ елшісі Мухаммед әл-Джабермен келіссөз жүргізді.Кездесу барысында араб дипломаты өз елінің басшылығы атынан Президент Тоқаевқа төзімділік символы болып табылатын «Әлем кілемін» тапсырды.
Бұдан кейін Сыртқы істер министрі Пәкістан елшісі Имтиаз Ахмадты қабылдап, өзара тиімді ынтымақтастықты кеңейту мәселелерін қарастырды.
Қазақстан Сыртқы істер министрлігінің ақпараты бойынша, Ұлыбритания елшісі Майкл Гиффордпен кездесу барысында Мұхтар Тілеуберди Лондонда өтетін іс-шаралар, соның ішінде жыл сайынғы Kazakhstan Global Investment Forum-2019, Іскерлік кеңес және Қазақстан-Британ үкіметаралық комиссиясының 6-шы отырысы туралы хабардар болды.
Сурет: 24.kz
