Қазақстанның Сыртқы істер министрлігінің басшысы Мұхтар Тілеуберді еліміздің оңтүстік астанасында орнықты даму мақсаттарына қол жеткізу бойынша БҰҰ орталығын ашуды ұсынды.
Мұхтар Тілеубердінің айтуынша, Қазақстан Республикасы Орталық Азия өңірінің ірі экономикасы болып табылады және Орталық Азияның барлық елдері арасындағы бірлесе әрекеттесуді одан әрі кеңейтуге қызығушылық танытады.
«Өңірлік әріптестікті орнату, инвестициялау және өзара байланыс біздің аймақтарда бейбітшілікке қол жеткізу үшін маңызды элемент болып табылады. Осыған байланысты, Орталық Азия елдері мен Ауғанстанға көмек көрсетуге мүмкіндік беретін,орнықты даму мақсаттарына қол жеткізу бойынша БҰҰ өңірлік орталығын ашу жөніндегі Қазақстанның ұсынысын атап өткім келеді», — деді министр.
Бұл орталықтың ашылуы туралы айта келе, Қазақстан сыртқы саясат ведомствосының басшысы, оның Алматыдағы жаңа халықаралық ұйымдар ғимаратында орналаса алатынын атап өтті.Онда бүгінгі таңда БҰҰ-ның 16 ұйымы бар.
