Қазақстан Қорғаныс министрлігінің өкілдері біздің танкистер “Танк биатлоны” – халықаралық әскери ойындары-2020 байқауына қатысатын танктердің жағдайын тексергенін айтты.
Қорғаныс ведомствосы танк жарысы дәстүр бойынша Ресейдегі “Алабино” оқу-тактикалық кешенінің аумағында өтетінін еске салды.
Жеребе тастау нәтижесіне сәйкес, қазақстандық команда сары түске боялған төрт танкте шығады. Техниканы қабылдағаннан кейін, біздің әскери қызметшілер бірден оны дайындауға кірісті.
Атап айтқанда, танкистер танктер механизмдерінің техникалық жағдайын, жарамдылығы мен функционалдығын тексерді. Тексеру нәтижелері бойынша әскери қызметкерлерге жауынгерлік машиналар “Танк биатлоны” аясында барлық тапсырмаларды орындауға мүмкіндік беретінін атап өтті.
Танк жарысы басталғанға дейін қазақстандық команда қару-жарақты дайындап, тексеруі және трассаның бағытын мұқият зерделеуі тиіс.
Бұған дейін Қазақстанның танк командасының екі қатысушысы “Танк биатлонына” қатысқаны хабарланған болатын. Қалғандары- бірінші рет қатысушылар. Дегенмен, біздің әскери қызметшілер алдағы жарыста лайықты нәтиже көрсетуге ниетті.
Сурет: inform.kz
