Еліміздің қорғаныс ведомствосының өкілдері Қазақстан командасының “Танк биатлоны” – халықаралық әскери ойындар-2020 байқауына дайындығы туралы айтты, деп хабарлайды zakon.kz ақпарат ресурсы.
Жеребе нәтижесіне сәйкес, біздің әскери қызметшілер танк жарысында сары түске боялған жауынгерлік машиналарда өнер көрсетеді. Дәстүр бойынша “Танк биатлоны” Ресейдегі “Алабино” полигонының аумағында өтеді.
Қорғаныс министрлігі қазақстандық әскери қызметшілер танк зеңбіректері мен пулеметтерінің жарамдылығын тексеру мақсатында практикалық оқ атулар өткізді, оның қорытындысы бойынша жауынгерлік машиналар танк жарысы шеңберінде барлық міндеттерді орындауға мүмкіндік беретінін айтты.
Сондай-ақ, біздің команданың қатысушылары трассаның бағытын егжей-тегжейлі зерттеді. Оқу барысында атыс шептеріне ерекше назар аударылды, өйткені олардың сәтті өтуі көбінесе конкурстағы қорытынды орынды анықтайды.
Команданы жаттықтырушысы полковник Анатолий Котвицкийдің айтуынша, қазақстандық танкистер “Танк биатлонына” қатысуға дайын.
Қазақстанның қорғаныс ведомствосының хабарлауы бойынша, ертең халықаралық әскери ойындар – 2020-ның ашылу салтанаты өтеді, ол еліміздің Қорғаныс министрлігінің ресми YouTube арнасында көрсетіледі.
