Қазақстанның Сыртқы істер министрлігінде дөңгелек үстел отырысы өтті, онда біздің республикамызда мүгедектердің құқықтары туралы БҰҰ Конвенциясын іске асыру мониторингін енгізу мәселелері талқыланды, деп хабарлайды Қазақстан Республикасы Сыртқы саясат ведомствосының баспасөз қызметі.
Қазақстан Сыртқы істер министрлігінің ақпараты бойынша, жоғарыда көрсетілген мониторингті енгізу мүгедектердің құқықтары туралы конвенцияның 33-2-бабында көзделген, алайда оны ратификациялау сәтінен бастап осы құжаттың іске асырылуын бақылау тетігін талқылау бойынша іс-шаралар жүргізілген жоқ. Осыған байланысты дөңгелек үстел отырысы өтті.
Отырыс барысында қатысушылар аталған бақылау тетігінің екі нұсқасын ұсынды. Бірінші нұсқа — адам құқықтары жөніндегі уәкіл кеңсесі жанындағы мониторингтік механизм, ал екіншісі — жеке ұлттық мониторингтік палата құру.
Дөңгелек үстел соңында тараптар жоғарыда көрсетілген нұсқалардың ең жақсы нұсқасын енгізу үшін, олардың әрқайсысын егжей-тегжейлі зерттеу қажет деген жалпы қорытындыға келді.
