Қазақстан Сауда министрлігі жақын арада Қырғыз Республикасымен шекарадағы барлық бақылау-өткізу бекеттерінің жұмысы қалпына келтірілетінін мәлімдеді, деп хабарлайды “ҚазТАГ” ақпарат ресурсы.
Сауда министрлігі мамандарының айтуынша, қазір эпидемиологиялық жағдайдың жақсаруы байқалады, сондықтан Қазақстан-Қырғыз мемлекеттік шекарасындағы барлық өткізу пункттерінің жұмысын кезең-кезеңімен қайтадан бастау ұйғарылды.
Сонымен қатар, бүгінгі күннен бастап Қазақстан мен Қырғызстанның ортақ шекарасы арқылы ауыр жүк көліктерінің өту уақытын жылдамдатуға мүмкіндік беретін “Сыпатай Батыр” өткізу пункті жұмыс істей бастайды.
Сондай-ақ, Қазақстан министрлігі Қырғызстанмен шекарадағы өткізу пункттерін жабу коронавирусты таратуға жол бермеуге бағытталған амалсыз шара болғанын еске салды.
“Мемлекеттік шекараның барлық периметрі бойынша барлығы 20 өткізу пункті жабылғанын айта кету керек. Негізінен бұл пунктер арқылы көптеген жеке тұлғалар қозғалады”, – деді сауда министрлігі.
Бұған дейін Қазақстан мен Қырғызстан шекарасында жүк көліктерінің кезегі жиналып қалғаны хабарланған. Шекара қызметінің айтуынша, бұл бес өткізу пунктінің жабылуына байланысты болды, нәтижесінде қалған екі “Қарасу” және “Айша бибі” бекеттеріне жүктеме артты.
Сурет: ritmeurasia.org
