Қазақстан Сауда және интеграция министрлігінің басшысы Бақыт Сұлтанов қытайлық инфекцияның әлемдік экономикаға қалай әсер ететінін айтты. Бұл туралы оның баспасөз қызметі хабарлады.
Қазақстан Үкіметі отырысынан тысқары жерде министр коронавирус Қытай экономикасына теріс әсерін тигізгенін, оған сәйкес Қытайдың ЖІӨ өсімінің төмендеуі байқалып отырғанына әлемдік сарапшылардың талдауы дәлел екенін айтты.
Осыған байланысты, Бақыт Сұлтановтың айтуынша, Қытаймен шектес елдер, сондай-ақ онымен өзара сауда жүргізетін мемлекеттер келеңсіз әсер алады.
Сондай-ақ, Қазақстан сауда министрлігі басшысының пікірінше, Қытайда болып жатқан жағдайдан әлемдік сауда да зардап шегетін болады, бұл әлемдік нарыққа әсер етеді.
Бүгінгі таңда Қазақстан билігі елімізде Қытай коронавирусының таралуына жол бермеу үшін барлық шаралар қолдануда.
Соңғы мәліметтер бойынша, Қытай коронавирусынан туындаған пневмониямен ауыратындардың жалпы саны 20,5 мыңнан астам адамды құрайды, 427 адам қайтыс болған.
Сурет: baigenews.kz
