Қазақстандық сауда министрлігінің басшысы Бақыт Сұлтанов Еуразиялық экономикалық комиссияның сауда жөніндегі министрі Андрей Слепневпен кездесу өткізді, деп хабарлайды Қазақстан Республикасы сауда министрлігінің баспасөз қызметі.
Кездесу барысында қатысушылар экспортты қолдау шараларына байланысты мәселелерді талқылады, сондай-ақ Еуразиялық экономикалық одаққа қатысушы елдердің экспортты жылжыту бойынша өзара іс-қимылын сөз етті.
Андрей Слепнев ЕАЭО мүше-мемлекеттердің экспортты жылжыту мәселелері бойынша үйлестіруі мен ынтымақтастығы туралы өз пайымымен бөлісті.
Кездесу аясында министрлер одақ мемлекеттерінің үшінші елдермен еркін сауда аймағын құруға бағытталған келісімдер жасасуға назар аударды.
Кездесу соңында қазақстандық министр ұсынылған бастамалардв қолдап, өнімнің бәсекеге қабілеттілігін арттыру және оның көлемін арттыру үшін отандық экспорттаушыларды қолдаудың жан-жақты шараларын қабылдаудың маңыздылығын атап өтті.
