Еуразиялық даму банкі басшысының орынбасары Тигран Саркисян ЕАДБ-да Еуразиялық экономикалық одақта цифрлық қашықтық медицина жобасын әзірлеу және енгізу туралы шешім қабылдағанын мәлімдеді.
Ол қазір қашықтықтан медициналық көмек көрсету бойынша сандық жобаларды жеке компаниялар әзірлеп жатқанын атап өтті. Оның жақсы және жаман жақтары бар. Артықшылықтарының бірі – индустрияның дамуына ықпал ететін әртүрлі сандық шешімдер. Кемшіліктерінің бірі – сапалы қызмет көрсетуге бәсекелестік.
ЕАДБ міндеті осы саладағы перспективалық жобаларды анықтау және мемлекеттік мекемелермен байланыс орнату болып табылады. Қауіпсіздік және алаяқтардың жұмысына жол бермеу мәселесі жеке пысықтауды талап етеді.
Саркисян барлық одақтас елдердің ішінде Қазақстан сандық медицина жобасында интеграцияға барынша дайын екенін баса атап өтті. Оның айтуынша, біздің республикамыз ЕАЭО рейтингі бойынша ғана емес, жаһандық рейтингтер бойынша да алда. Осыған байланысты Саркисян қазақстандық тәжірибені Одақтың барлық елдеріне таратуды ұсынды.
