Бүгін Қазақстан Республикасының Премьер-министрі Асқар Мамин жұмыс сапарымен Ақмола облысына барды. Онда ол келесі жылы өтетін Қазақстан мен Ресей аймақаралық ынтымақтастығының XVII форумына дайындық барысымен танысты, сондай-ақ өңірдегі бірқатар кәсіпорындарды аралады. Бұл туралы ҚР премьер-министрінің баспасөз қызметі хабарлады.
Үкімет басшысы “ENKI” керамикалық кірпіш зауыты, “Журавлевка 1” ЖШС ауыл шаруашылығы дақылдарын өңдеу кәсіпорны және “KazBeef Group” сиыр етін өндіріп,өңдеу кешені сияқты кәсіпорындардың қызметімен танысты. Маминге істің ағымдағы жағдайы туралы егжей-тегжейлі айтылды. Премьер-министр өндіріс қарқынын арттыруға және тиянақты өнімін жасауға нұсқау берді.
Асқар Мамин “Сарыарқа” шағын ауданының, “Болашақ сарайы” балалар мен жасөспірімдер сарайының құрылысымен, сондай-ақ автожолдарды дамытудың ағымдағы жоспарлармен және ауыл шаруашылығы саласындағы инвестициялық жобалардың іске асырылу барысымен танысты.
Министрлер кабинетінің басшысы өңірдің экономикасын дамытуға және халықтың өмірін жақсартуға кешенді көзқарас қажет деп мәлімдеді. Премьер-министр Ресей-Қазақстан форумы екі мемлекеттің сауда-экономикалық қарым-қатынастарын және бизнес-қоғамдастықтарының тығыз байланысын дамытуға серпін беретініне сенім білдірді.
Сурет: inform.kz
